今年書展戰場將於七月中揭幕，只有B cup身材的Candy以卵擊石，不但要迎戰周秀娜、Angelababy、羅凱珊（Kama）、六月十九日出書八模兵團（「Ａ貨Baby」Annie G.、「翻版阿嬌」DaDa、「清純版栢芝」Evelyn等）、Sony的ＰＳ水着妹（E cup Baby劉欣宜、Rainbow）等靚模，還要與周麗淇、傅穎、江若琳、HotCha、尹蓁晞、蕭希榆等青春女歌手的新書對撼，Candy亦將於本月十九日推出《Ｌ》攝影圖文書加ＥＰ，避過正面交鋒。

三條褲打底

雖然Candy在芸芸靚模和女歌手中年紀最大，不過拍寫真時毫不錫身，上下全奉獻，不但穿黑bra大晒B cup熟乳，連肚皮和手臂的紋身都出賣，還解褲鈕令人無限遐想；另一輯意識更加大膽，上身是高貴淑女，下身卻破格擘髀露底，十分挑逗；寫真內附Candy撰寫的散文，還隨書附送一隻精選ＥＰ，十分超值。

Candy坦言，寫真本於去年底推出，但時間上配合不到，才押後面世，對於穿bra top兼露底上陣，Candy笑說：「呢個已經係底線，三點要露唔諗，自己都想趁青春留倩影，某程度自私吓。（露底唔怕走光？）打咗三條底，好放心。（盡地一煲？）都唔係，總之影得靚就ＯＫ。」

自誇身材正

問提早於書展前出書是否避戰G模？Candy說：「唔係避，唔係佢哋年紀，有乜好鬥？大家良性競爭，但唔喺呢個場合（書展）競爭，唔係話鬥唔鬥，自己都同公司溝通過，目標唔係書展年輕人，我嘅文字講生活、愛情看法，其實係一本女人書。」雖然Candy已經三十四歲，但身材保持得很好，完全冇肥肉，問她滿不滿意身材？她表示：「媽咪生到我咁好，冇乜不滿。」

文：音樂組