講未來出碟賣關子
Edison說：「我做音樂嘅時候令我覺得自己好真實，我鍾意喺音樂中寫出自己心裏想表達嘅說話和生活體會。」至於會否繼續做音樂，他故作神秘說：「這是我的秘密！若真係要，那一定係我有史以來最好、最精華的，過去一年發生嘅事，喺我心裏沉澱咗好多東西，所以我寫晒出嚟嘅話，將會係積累豐厚嘅唱片……如果我要製作新唱片嘅話。」
講到音樂，Edison滔滔不絕：「我會以陳奕迅、周杰倫、王力宏為榜樣，佢哋都係我好尊敬嘅音樂人，佢哋對音樂嘅尊重和態度，表達到佢哋獨特嘅思想概念，而唔止係將音樂當成商業宣傳，所以我視佢哋為亞洲音樂典範。」
遲來的對不起
最後，Edison還有甚麼補充？他認真地想，說：「對不起！」終於，他說了「對不起」！這次專訪於今年二月十三日，情人節前夕在東京進行，那時候鍾欣桐還未在《志雲飯局》哭訴，張栢芝更未亮相有線專訪數臭男方。無論如何，Edison誠懇地說：「很對不起，但我們都要抱着正面態度向前看，我會做很多事情來彌補我以前做錯嘅事，但願世界最終會讓我們重拾自己的生活。」
文：專案組
圖片提供：《東西雜誌》
Edison早前接受《東西雜誌》專訪，他反手扣上手銬、赤裸上身配合遍體鱗傷的特技化妝，以各式造型亮相，開腔為「慾照事件」剖白心情，並為事件涉及的人道歉。
犯下大錯冇諗過輕生
「當時我好無助！我知道自己犯下大錯，但係事情已經鬧到無法彌補嘅地步，我真係唔知點算。」然而，Edison沒有天真到想去改變事實，他說：「當時我諗：已經發生咗嘅錯，我點樣做都無辦法改變，只希望做一些正面事情去彌補。」無論如何怎樣難過和無助，他也沒有一刻輕生的念頭。「自殺？No Way！雖然我嗰陣時真係好低落，但從未諗過『自殺』，太不負責任了，我唔會蠢到去放棄生命，我知道有好多人恨我，但世界上仍然好多愛我嘅人。」
很多外國明星都遇過Edison同樣的事，不同之處，就是他們愈炒愈紅，Edison卻萬劫不復，有人歸咎東西方文化差異，他說：「最初唔明白點解會引起咁大回響，但之後終於明白佢哋點樣去睇呢件事，因為佢哋觀念唔同，感受都唔同。」事件後，Edison避走美國，自己照顧自己，這段日子好自由，頭腦反而變得清醒。
童年陰影不再人前哭
12歲的Edison，曾經是一個成績優異的學生，卻因為父母離異，家庭起了變故，他被迫走到一個極無安全感的環境中繼續成長，心靈頓失依靠。他說：「自小我都唔喊！」這是因為他曾經哭個不停，被父親懲罰將他反鎖在車廂裏，任由他哭至失聲，留下永不磨滅的陰影，從此Edison不在別人面前哭了！
感情失去正確的發洩途徑，Edison自小習慣活在他為自己建立的堡壘，真正的他與世隔絕，無論愛情還是友情，他都不會輕易相信別人，不會隨便打開心扉。慾照事件發生後，飽受無助和驚慌，Edison獨自跑到Santa Monica無人海灘裏放聲嚎哭，直到透不過氣來。