昨日Laughing哥電影版舉行開鏡儀式，一眾演員多以戲中造型亮相，其中以黃秋生的「佐治童子」妖艷造型最搶鏡！謝天華則表示今次的拍攝機會難得，更坦言會跟一眾影帝「學嘢」！
Laughing哥謝天華因劇集一炮而紅，無綫更與邵氏合作拍攝電影版《LAUGHING GOR 之節》，昨日該戲舉行開鏡拜神儀式，無綫方面特准其他傳媒拍攝錄像。
似足佐治童子
出席拜神儀式的有無綫高層樂易玲、邵氏高層黃家禧、導演邱禮濤及黃秋生、吳鎮宇、黃日華、謝天華、葉翠翠及黃德斌等演員。
以戲中造型亮相的秋生甚為搶鏡，雙眼化了煙熏妝的他形象甚似外國藝人「佐治童子」！秋生表示其煙熏妝會因應不同心情化上不同顏色，他又坦言今次拍攝多以私伙衫褲上陣，問到是否件件名牌？他表示︰「有啲牌子啦，都係使費嚟。」秋生又自言自己在戲中似韋小寶，因他於戲中有多位女友，葉翠翠是其中之一。秋生更力讚翠翠聰明。而翠翠則表示不介意與秋生拍親熱戲，更表示︰「希望佢多啲指點我，多謝秋生袋錢入我袋。」
天華趁機學嘢
而主角謝天華則笑言片酬不會比拍劇少，更認為今次是機會難得。問到是否群星拱照他時，天華謙稱︰「我唔會咁睇，我係跟咁多位影帝學嘢，今次真係好開心，志偉都會返嚟幫手拍，元彪就可能會做我上司。（擔唔擔心唔夠搶鏡？）我演初出茅廬嘅臥底，係會比較平實些少。」
另外，談到戲份問題時，鎮宇搞笑地表示錢要畀足，但戲可以不用做足。
文︰影視組 攝︰林蔚恩