天王郭富城昨日出席活動時十分風騷，自爆年初曾秘密赴日與前緋聞女友藤原紀香見面，有指現任緋聞女友熊黛林（Lynn）因他早前與紀香在港高調晚餐而呷醋匿埋，城城護「熊」再爆：「有時我都同Lynn食飯，你哋睇唔到啫！」
舞台王者城城昨日以代言人身份出席名錶活動，親身擔任模特兒外，又獻技大跳「Moon Walk」，盡顯王者氣派。最近正忙於籌備巡迴演唱會及拍攝電影的城城，明顯清減不少，當他得悉紀香在網誌上大讚他fit後，即面露風騷。
取經搞音樂劇
早前紀香來港工作後與城城抽空晚飯，不少傳媒蜂擁而至，城城就表示只屬朋友式普通晚飯。說得興起的城城更自爆二月曾飛往日本欣賞紀香音樂劇尾場，他說：「同同事去，係紀香邀請我嘅，自己希望喺2011年做自己音樂劇，取下經囉！」
問到城城會否邀請紀香擔任音樂劇女主角時，城城即斷然說不，原因是女主角需要懂得流利廣東話和普通話。現任緋聞女友熊黛林（Lynn）豈非最適合人選？城城就表示交由製作公司處理：「冇考慮呢樣。（推薦？）唔會自己揀！」
早前有傳城城經理人小美落力撮合他與紀香「翻撻」，城城說：「傳聞仲使答？唔係真實。（被兩女爭？）依家你哋成班（記者）爭我做訪問！」城城續被追問Lynn是否呷醋匿埋，即發揮紳士風度護「熊」說：「我唔知喎，朋友食飯好平常，有時我都同Lynn食飯，你哋睇唔到啫！」城城又反問與紀香未有拍拖何來復合？
唔使入得廚房
說到擇偶方面，問他「大方」是否條件之一，城城趁勢大賣廣告說：「冇諗咁複雜，冇諗過要入得廚房出得廳堂，最緊要鍾意浪琴。」獲大會送贈名錶的城城透露，會另送一隻給母親，與自己配成一對，問到為何不留給女友，城城表示媽咪才是最重要，女友排在工作與朋友之後。
採訪：音樂組