周家蔚情迷三角褲

周家蔚、袁偉豪、高鈞賢、龔嘉欣等昨日出席《2009香港先生選舉》招募活動，並進行天才表演，周家蔚選擇與袁偉豪大跳拉丁舞，更拗腰擺甫士給記者影相，事後她一臉痛苦謂：「之前條腰傷過，今次又冇熱身，所以有啲痛，返屋企拉拉筋應該冇事。」她又笑言最愛看「港男」的泳裝濕身環節：「依家好少男仔着三角褲，覺得着三角褲難過着三點式。（緋聞男友洪天明有冇着過三角褲畀你睇？）冇，落親沙灘個個都係着沙灘褲。」

另外，高鈞賢鮮有地以留鬚look示人，他說：「為咗拍電影所以留鬚，感覺都幾好，幾型呀！」

放大圖片	袁偉豪大方讓出髀位予龔嘉欣試坐。