三位美味天使劉俐（藍莓）、陳蕊蕊（甘桔）、王宝宝（春卷）及轉戰樂壇的郭穎橋，日前以一身背心及短褲清爽夏日look，出席屯門市廣場《泰國食品節》活動，四女大談各自鍾情的泰國食品。
陳蕊蕊不但情迷泰國美食，更對泰國的陽光海灘情有獨鍾，她說：「我去過曼谷同芭堤雅玩，最鍾意嘅泰國食品係嗰啲肉丸河粉，唔知係咩原因，可能係當地人好nice，我覺得啲河粉好似比其他地方食到嘅更好味咁！我亦都好鍾意喺當地玩水上活動，所以我都算係一個泰國fans。」
而王宝宝雖然從未踏足泰國，但一樣對當地美食趨之若鶩：「我雖然未去過泰國，但相信我去到泰國一定會搵到好多啱食嘅地道美食，因為我平日都鍾意食啲香辣食物，所以泰國美食特別啱我。」
而劉俐及郭穎橋則謂對泰國生果及冬蔭功情有獨鍾。