由新聞主播轉職為娛樂新聞主播的李潤庭（Eric），閒時最愛與好友玩poker耍樂。已有六年poker經驗的Eric，為了成為高手，還特意從外國訂購很多有關poker的書籍及ＤＶＤ，Eric笑言很羨慕那些世界頂級的poker玩家：「我發現次次世界賽嘅最後六名選手，都係嗰幾個，證明呢個game係講實力而唔係講運氣。」
由於Eric玩poker玩得十分認真兼出色，所以朋友們都尊稱他為「會長」，不過Eric卻謙稱自己與專業玩家還有一大段距離：「佢哋過獎啫，其實玩poker嘅樂趣並唔係在於賭錢，而係訓練你去留意人哋嘅反應。當你拎完自己副牌，最重要係要留意其他玩家嘅反應同眼神，因為個重點係要估對方攞緊咩牌同計機會率。我覺得如果一個人嘅性格夠謹慎而又夠拚搏嘅話，佢就好適合玩呢隻遊戲喇。」