商天娥日前為劇集拍外景時，疑因嗌救命聲量過高又逼真，令熱心市民真報警，雖然騷擾到街坊，但娥姐還是多謝及欣賞對方的見義勇為。
陶大宇、陳山聰、商天娥日前在九龍城為《掌上明珠》拍攝外景，劇情講述娥姐被老公林保怡瞞騙，誤服毒品多年，突然在街頭毒癮發作不適暈倒，險被鹹濕阿伯非禮，幸被大宇、山聰及時趕到救出。在拍攝被阿伯博懵時，娥姐要大叫「救命」，結果惹來街坊誤會，報警求助，未幾即有警車到達，四名軍裝及兩名便衣探員陪同報案市民到場了解，終發現叫救命者是藝員商天娥。
中氣十足
事後記者笑娥姐叫「救命」叫到街坊報警是因為演技太好，娥姐則笑說：「唔係戲好，係中氣好啫！不過都好多謝呢位熱心市民，佢嘅態度好正確，引起佢誤會及不便，真係唔好意思！好彩係中午啫，如果係清晨擾人清夢就唔好啦。」
不甘被屈
早前有報道指娥姐跟《巾幗梟雄》的演員鬧不和，她坦言被人誣衊：「話我鬧喊惠英紅，我點可能鬧喊人啫，小紅仲煲湯畀我飲，不過我忙到唔得閒飲，5.12嗰日仲一齊喺服裝間傾偈。」娥姐謂向來跟傳媒關係良好，經過今次被屈，她決定謝絕部分傳媒：「屈我話我工作態度唔好，係不實嘅報道，我呢代人好尊重演員道德，唔可以畀人質疑我嘅工作態度！」
文：影視組