本文重點
梁嘉琪早前穿背心、短褲為護膚品牌拍最新廣告，為以最fit狀態示人，嘉琪還帶備四雙私伙、兼高四吋的高踭鞋配襯不同造型，還揚言腳痛都要死忍，認真專業。
嘉琪早前為韓國護膚品牌拍廣告，為取得最佳姿態，她準備了四對四吋高的高踭鞋配襯四個不同造型。嘉琪在廣告中以吊帶背心及超短褲示人，問她酬勞是否滿意？她笑謂：「好滿意，新人邊要求得咁多，最緊要影出嚟啲相靚，大家合作愉快先可以長做長有。（幾多位數字酬勞？）總之開心價。（慣唔慣着四吋高踭鞋？）平時我都係着平底鞋多，但為咗影相靚，就算着到腳痛都無所謂。」
忍得辛苦
廣告中有不少面部特寫，為了不想出現包包面，嘉琪拍攝前一個月特意節食，兼戒掉一向鍾情的零食。不過到拍攝當日，嘉琪終於破戒，在現場拿起零食狂擦，她說：「冇咁快肥番嘅，因為要拍八個鐘，我驚食正餐會整甩個妝，所以惟有食零食頂肚。之前忍得好辛苦，今日『偷食』當獎勵自己。」
文：專案組