昨日，鄭嘉穎及佘詩曼為《宮心計》拍攝外景，期間現場出現了一些技術問題停拍了十數分鐘，而嘉穎及阿佘趁機休息時亦只是各據一方沒甚交流，但亦有應記者要求大方合照。
對於有雜誌指佘穎包房吃飯，阿佘沒好氣的表示：「嗰晚仲有娥姐（商天娥），我對呢啲古仔書冇乜回應，呢啲只不過係好普通，同事之間嘅活動，真係冇乜嘢好回應。（特別避忌？）係咁啱啫，唔會特別避忌。」另有雜誌指阿佘於泰國「捐棺材」求轉運？阿佘則百思不得其解，並表示自己幾個月沒有離開香港，希望傳聞不要太過分。
嘉穎則笑言很多謝該雜誌又多給他一期封面：「又係嗰啲嘢，一大班人又寫到前後腳，唔想特別回應喇！」問到嘉穎是否就拍完《宮》劇鬆一口氣？嘉穎表示：「係鬆一口氣，不過唔關緋聞事，緋聞一早預咗畀人講，鬆一口氣係因為唔使再唸啲文言文台詞！」