蔡卓妍（阿Sa）的處女專輯《二缺一》衝破白金銷量，阿Sa前晚出席慶功騷時露喱士bra贈興。問到何時上緋聞男友鄭中基主持的《美女廚房》時，阿Sa不懂招架，要經理人霍汶希出手解圍，成功脫險的阿Sa即風騷向記者說「拜拜」鬆人。
現時「單飛」的阿Sa深受廣告商與電影公司歡迎，紛紛邀她任代言人及拍電影。早前她以個人名義推出首張專輯《二缺一》，當中歌曲《I'm sorry》打入各大電台流行榜，新碟銷量更超逾白金數字（三萬張），氣勢一時無兩。前晚阿Sa特別舉行慶功騷，吸引過百歌迷捧場。
請同事到澳門旅行
身穿背心上陣的阿Sa，表演期間多次露出腋下的喱士bra邊。阿Sa在台上有感而發說：「要一個人出碟時真係好擔心同緊張。」台下歌迷即大嗌：「我哋會支持你。」阿Sa聞言即笑笑口回應：「就係等你講呢句。」對於新碟獲好口碑，阿Sa說：「賣得咁好真係好開心。」她又承諾會請公司過百員工到澳門旅行，還表示好拍檔鍾欣桐曾想到場支持，但因太多傳聞而放棄。阿Sa稱：「阿嬌有叫我加油。」
不敢代替祖兒地位
問到會否角逐今年女新人？出道八年的阿Sa表現抗拒說：「啋！又做新人？唔得，點都唔做，冇可能，講出嚟都難為情！（同祖兒爭女歌手呢？）祖兒係唔能夠替代嘅位置，大家路線唔同，依家好滿意自己成績，唔需要攞咩獎。」
問到何時上緋聞男友鄭中基主持的《美女廚房》？阿Sa尷尬地說：「我話唔到事，問公司啦。」再問若鄭中基邀請是否有優先權時，身旁的經理人霍汶希即為阿Sa擋駕，示意訪問「差唔多」，醒目的阿Sa迅速起身離開，最後風騷地向記者說拜拜。
文：音樂組