張曼玉（Maggie）感冒初愈，昨日與男友出席藝術展，對於與畢彼特合作的新片戲份全被刪去，現時以愛情為重的她坦言不介意，加上與畢彼特零對手戲，因此在片中冇影也不覺可惜。她又直言當初接拍此戲純為交導演昆頓塔倫天奴這個朋友。
法國品牌Louis Vuitton昨晚在香港藝術館舉行《路易威登︰創意情感》藝術展開幕酒會，LVMH集團主席Mr.Bernard Arnault、路易威登藝術總監Marc Jacobs、村上隆、Richard Prince及Gilbert & George等國際級藝術大師亦有出席。早前惹豬流感（H1N1甲型流感）疑雲的Maggie，表示自己只患普通感冒，但亦在家隔離了四五天。
拍戲要隨緣
昨晚Maggie與現任男友Ole Scheeren一起到場，面對在場過百記者追訪，二人仍形影不離。對於與畢彼特合演的戰爭片《Inglourious Basterds》戲份全被刪去，Maggie毫無不快，她說︰「我知成日有呢種情況，喺康城已經Call咗昆頓，我聽到佢話Cut晒，只係講咗句『係咩』，我明白凡事以電影為先，如果唔好睇我都唔想。今次我當係玩嘅性質，無所謂啦交個朋友，我都開心。好彩同畢彼特冇對手戲，唔係就差啲。（昆頓再搵你拍戲？）嗰時佢喺康城好忙，等佢忙完我哋會出嚟傾偈。我依家都冇咩想拍，唔接戲唔緊要，我又唔係退休，隨緣啦。」
男友冇求婚
對事業隨緣，不過對愛情她卻相當着緊，她說︰「會唔會同男友開花結果？好難講，男友冇求婚，冇計劃結婚。（同男友成日形影不離？）唔係完全唔分開，工作一定要，大家互相遷就度期，同男友好多時間一齊。」 文︰名人組