對於子淇再次誕下千金，堪輿學家麥玲玲指出由於李家二千金的命格是有細佬，故估計子淇成功為李家添男丁的機會很大：「ＢＢ女嘅命格應該有細佬，佢出世嘅日子係辛酉日，屬金，呢個日子有粒特別嘅星叫紅艷剎，代表囡囡將來大個一定好標致，人緣好之餘仲會有好多人追。由於佢嘅命格土多，所以同女性長輩緣分會特別好，尤其旺媽咪，兼且會好孝順。佢27歲後開始行運，之後60年都會行大運。」
麥玲玲又表示子淇二女將來會向藝術家、作家甚至哲學家等行業發展：「佢會經常有啲好特別嘅諗法，加上份人唔鍾意表演，又鍾意收埋自己，所以適合做啲着重思考嘅行業。」