何韻詩昨日以特別嘉賓身份出席畫家魚王（陳法興）的「魚王七十大展」，兩人甫見面即擁抱，魚王更稱呼阿詩為「菇仔」，引到阿詩哈哈大笑。對於有指其男助手因與她拗撬而離職，阿詩否認說：「唔係，我都喺自己個網誌解釋過，始終佢都跟咗我差唔多十年，佢想做番設計嘅嘢。」
阿詩笑言男助手離職不是報道所指不歡而散：「佢知我太多嘢，佢係有幫我喺演唱會換衫，佢睇晒㗎。」問到阿詩會否物色新助手？她說：「都會，好彩我一向都好獨立。（係咪難服侍嘅人？）唔係，做我助手真係好自由。」阿詩強調男助手的女兒是其契女：「佢個女係我契女，點會不歡而散？」
