張繼聰昨日為「基督教家庭服務中心」舉辦的「家齊+FUN+樂觀Ｄ」活動演唱，他表示不少朋友都會找他傾訴感情事和家事，而他的太太Kay之前被狗仔隊追逼至抑鬱，他也有開解太太，而且永遠都會在太太身邊開解她、氹她開心：「Kay好聰明，好明白壓力來自哪裏，我同佢講唔使理雜誌啲新聞，只要做好自己本分和工作，依家佢已經冇事，狀態仲好fit，演唱會做得好好。」問到有何獎勵？他說只要Kay有時間看到囝囝，已經是很好的獎勵。
說到再追第二個ＢＢ？張繼聰說目前不是適當時機：「我哋希望第二個小朋友得到嘅嘢同大仔一樣，暫時我哋畀唔到同樣嘅嘢畀第二個小朋友。」
