楊怡昨日出席「充電池回收計劃」四周年典禮，期間她表現亢奮，透露近日除了工作不斷之外，更榮升阿姨，認真雙喜臨門。
楊怡高興表示：「家姐（楊卓娜）前兩日自然分娩生咗個BB女，重七磅十一安士，佢痛咗十幾個鐘先生，覺得家姐好叻。（送咩畀BB？）會送玉、金器，戴晒喺BB隻手，我仲會努力儲錢成立教育基金，第時供BB讀書。（有冇生BB衝動？）有，抱起BB感覺好似自己生咁，好開心，我依家一有時間就會睇BB。」而問到她的家姐會否與廣告燈箱大王楊志翹補擺喜酒？楊怡笑說：「嚟緊會搞手續，不過擺唔擺酒要問吓BB先，睇吓佢想擺滿月酒定喜酒先。」
