蔡卓妍（阿Sa）既是鄭中基（Ronald）女友，亦是古巨基好友，對於「雙基」近日發生續約糾紛，夾在「情與義」間的阿Sa堅拒做「架樑」，免得失任何一方；至於有指阿Sa計劃結婚，她表示八年後會嫁人，但直言想嫁個事業有成的老公。
阿Sa、洪卓立（Ken）、HotCha及狄易達昨日齊出席電台活動，身為Ronald女友，也是古巨基好友的她，被問到「雙基」因續約事宜掀起紛爭，她率先表明立場說：「我唔想做『炸兩』（架樑），唔想講。（咁幫邊個先呀？）我唔係好管閒事嘅人。」問她可覺得身份尷尬？阿Sa持平的認為每個藝人都會保護自己所屬公司，公司之間的事她不想干涉，也不想做中間人或「架樑」，她只會做好自己。對有傳基仔加盟英皇，她會否感開心、可同基仔合作等問題，她避重就輕的說一切交由公司高層霍汶希（Mani）回應，她會尊重Mani的決定。
想老公事業有成
Ronald日前踢爆她不欲男友做CEO，阿Sa沒有正面回應：「咩都好啦！」但她否認有結婚打算，重申35歲後才會結婚，但和她的合約無關。問她可想另一半是CEO？阿Sa初時話不識回應，但承認將來的老公事業有成是好事。有指她現已覓得理想人選，阿Sa就一味甜笑。
Ken傷口發炎縫針
另外，Ken因肺積水的傷口發炎，前日他又要接受縫針手術，難怪昨日見他面青口唇白，他說：「左邊腋下嘅傷口發炎要縫針，不過唔知點解，本來縫四針變咗八針，最慘係麻醉藥唔夠，我痛到想打人。」Ken謂因傷口不宜沾水，他半邊身已成個月沒有沖涼，只可用濕布抹淨。
文：音樂組