區永權（Albert）小登科，迎娶拍拖三年的女友蘇穎琪，昨於跑馬地以天主教儀式進行婚禮，一眾有線同事傾巢而出，連已離巢的陳貝兒、黃子俊及梁嘉琪亦相繼現身，場面熱鬧。Albert謂接新娘時要食狗糧及芥辣朱古力，又要跳艷舞，他笑謂：「好在大家未瞓醒，所以開門利是都唔使五位數字，尾數係九攞番個意頭！」
Albert又自爆去年求婚，全靠Soler唱意大利情歌助他一臂之力，至於好友張栢芝未有現身婚宴，他自言理解：「總之佢心同禮都到咗啦，因工作而成為朋友好難得，佢呢幾個月畀我嘅嘢（指接受有線專訪）非筆墨所能形容。」由於尚有工作在身，月底才能往度蜜月，亦會不設防「造人」，隨時接受新生命降臨。盛傳會動筆簽約無綫的黃子俊，表示與友人合資開設日本菜館，短期內無意再涉足幕前。