吳雨霏否認分派聞Out人未驚過

吳雨霏（Kary）昨日出席化妝品牌Estee Lauder活動，對於其唱片公司近日因古巨基合約問題，而有傳出現太子黨與被Out藝人，Kary直言不擔心，並澄清並非事實：「公司冇分黨派，大家好齊心、團結。（團結就唔會有人想走？）呢個我唔識點答，冇意見。（傳蘇永康同小肥會被Out！）唔會，康仔喺內地好多工作，之前仲開完演唱會。」她謂人事調動以前也時有發生，自己只要做好分內事，總之公司一切運作正常，稍後她會主動找新上任的ＣＥＯ陳輝虹傾談未來動向，她說：「我之前同佢合作過，佢幫過我，所以冇問題。」