周汶錡（Kathy）與諸葛梓岐及陳碧舸等前晚出席ESCADA活動，對於有靚模被模特兒公司老闆邀上房傾合約，Kathy詫異地說：「做乜跟人上房？簽合約交由公司處理，或者喺律師行傾，始終第三者在場有保障！」她又勸勉新進模特兒切忌貪心與急進：「想入行要搵信譽好同正規模特兒公司，我都係咁成長，凡事都要小心啲！（你有冇畀人呃過？）我個樣似咩？不過我以前試過畀人壓價，我個人直腸直肚，我遇到會即時拒絕，零機會！」
諸葛梓岐被雜誌指諸葛亮的後人應該姓葛而不是諸葛，暗指她偽稱是諸葛亮後人，她坦言感到不開心，更有意採取法律行動，男友也表示會支持！
此外，新婚不久的袁彩雲前晚亦有到置地廣場與友人結伴行街，問到何時生仔？她說：「唔係唔想生，我怕大肚腳腫着唔到靚鞋！」