陳豪、Mandy Lieu昨日出席McCafe十周年活動，大方談及與緋聞女友廖碧兒（Bernice）一起分享歎咖啡的樂趣：「我沖過畀佢飲㗎。（係咪沖出感情？）唔好咁講，但我未試過以沖咖啡嚟追女仔。」
發福不少的陳豪正開始修身減肥，他乘機i撈：「希望講完有修身公司搵我拍廣告啦，如果自己身形fit都唔介意着泳褲拍。」Bernice也曾為纖體公司代言，正在斟洽階段的陳豪，明言不介意情侶檔演出，期待再合作。但他笑言若二人一齊着泳裝，價錢會好貴：「其實我都係憑空想像，冇諗過個價錢，最緊要健康唔好賣弄，錢唔係問題，如果為慈善更加冇所謂。」
