鮑起靜讚一對新人天造地設

鮑起靜、阮兆輝、胡美儀昨日出席粵劇活動，期間對於阿姐與羅家英結束廿年長跑，拉埋天窗結婚一事，異口同聲戥阿姐開心，鮑起靜更表示：「○七年同羅家英合作拍《笨小孩》，問佢幾時結婚，佢話冇問題，會畀阿姐一個名分，而阿姐都係有心人，當年我爸爸過身，阿姐都有做治喪委員會，佢哋係天造地設一對。」阮兆輝表示估到阿姐與家英會結婚，過兩日八和會館會派人送心意卡給他們。

此外，對於吳亭欣被指介入顧麗華與馮潮澤婚姻一事，鮑起靜表示：「睇到新聞，覺得好難過，好多嘢世事難料，未必同佢有關。」