黃秋生、杜琪峯、甘國亮等前晚出席首映禮，對於汪明荃下嫁羅家英，杜琪峯搞笑的說：「恭喜佢喎，係咪同嗰個呀？（仲有邊個？）點知佢啲秘密收埋晒。（佢無同你講？）佢有幾多嘢會話我聽吖，我咁口多。邊個會搞得佢掂吖，不過羅家英應該馴服得佢掂嘅。」
黃秋生亦向他們送上祝福，但又不忘搞笑的說：「喺拉斯維加斯結婚？唔承認㗎喎！嗰度唔係去玩吓咋咩？如果係真梗係恭喜佢哋啦，我細細過已經好欣賞阿姐，唔只尊重佢咁簡單。」甘國亮亦表示會送上劇本給阿姐作賀禮：「舞台劇次次家英哥攞晒彩，阿姐又甘心畀佢威，我個劇本要佢發獅吼打家英嘅。」而洪欣亦與未婚夫張丹峰結伴出席首映，並透露六月的婚期將至，心情相當緊張。
