張嘉兒、陳倩揚、馬賽、周美欣、高海寧昨日到銅鑼灣出席《2009香港小姐競選》宣傳活動，應屆港姐亞軍陳倩揚，雖然一直頂替張舒雅，履行港姐冠軍的工作，不過在活動上，大會只安排上屆冠軍張嘉兒坐上加冕寶座，其餘港姐一律站在旁邊。
事後問到陳倩揚對於未有安排坐加冕櫈會否失望？她表示：「嘉兒先係冠軍。（你今年做晒冠軍嘅工作？）做番公司畀我做嘅嘢，安守本分係美德。（會唔會好唔抵？）冇話唔抵，虛榮係虛無縹緲，我賺到好多實在嘢。（張舒雅仲掛住拍拖喎！）之前有諗過聯絡佢，只係想佢開心，畀佢過番佢想過嘅生活。（今屆港姐係咪由你加冕？）唔知。（想唔想做？）呢個始終係冠軍做，睇公司安排。」
張嘉兒對於張舒雅掛住拍拖，她竟然表示：「拍拖幾好吖，我都好想拍拖，有得拍好過冇得拍。（同金剛點呀？）我同佢冇拍拖，我識佢嘅時候，已經知佢有女朋友。」