霆鋒新碟大賣，昨日英皇為隆重其事，特別在深圳鹽田區的航母主題公園舉行海陸空記者會，吸引近百傳媒及數百歌迷到場。父親謝賢（四哥）以「航母司令Look」現身支持，霆鋒則乘坐直升機在上空盤旋數圈，然後降落在航空母艦明思克號的甲板上。霆鋒以一身型仔戰機機師打扮出場，即令歌迷尖叫四起。
父親適合做司令
大會宣布霆鋒的新碟在全亞洲獲得二十白金（六十萬張）銷量，廣東電台更設這天為「謝霆鋒日」，將會全日播放霆鋒的歌曲及訪問。身為霆鋒父親的四哥自然驕傲，更百無禁忌說：「咁多人支持我個仔，真係走都走得安樂。」
霆鋒自稱每日生活就如打仗，由出道、單身、結婚以至生仔，每次拍戲都做危險動作，感覺自己似戰機機師會隨時「陣亡」，很想做一些從未做過的事。故此年多前已構思扮戰機機師，但一直未找到合適人穿上司令軍服，最後發覺父親原來就是最佳人選。霆鋒說：「佢（四哥）咁嘅年紀企得咁直，仲高過我，健康過我添。」問四哥有否為兒子感到驕傲？四哥抵死地說：「你睇唔到我樣咩？我唔係演技咁差嘛？」四哥又謂之前霆鋒覺得做他兒子壓力大，現在則掉轉是他做霆鋒父親有壓力，故不敢行差踏錯。
自稱有錢無碇使
霆鋒近月忙於拍戲及宣傳，太太栢芝則帶兒子Lucas到台灣遊樂，更有傳Lucas與小S的女兒相睇。霆鋒對此笑謂：「我唔知喎！我冇睇報紙，都冇見過小S個女。（咁早相睇？）等我太太揸主意啦！我信小S嘅，我哋識咗佢十幾年。」
日前栢芝被傳減價接拍爾冬陞新片，霆鋒即時護妻：「冇聽過喎！太太好享受得閒拍吓廣告同湊仔嘅生活，好自由選擇。（栢芝話享受使你嘅錢？）咁男人基本擔起頭家工作，我唔覺得係負擔。」身邊的四哥搶着說：「呢樣似老竇，男人搵錢畀女人使。」霆鋒接着說：「我又唔使錢嘅，使得去邊喎！」
不會躲避任何事
另外，有指內地廣電總局修例，不讓劣績藝人參與娛樂及訪問節目。有鑑於栢芝牽涉慾照風波，問霆鋒有否擔心太太受影響時，身旁的經理人Mani本想為他擋駕，不過霆鋒卻表現大方說：「我唔會避任何嘢嘅！對我嚟講，每個人都有過去，過去係真係假，係好係壞，只得佢自己知，最重要係知道依家同將來要做嘅事，而唔係睇番轉頭。」