薛家燕病愈更珍惜人生

薛家燕早前接受影音使團訪問，提到早前入院割膽，引起併發症，昏迷送入深切治療部的經歷，家燕姐說：「最難過係見到九十幾歲嘅爸爸擔心我，呢幾年我掛住工作，疏忽健康，亦都忘記基督信仰，我祈禱後病情真係穩定咗。我入院第四日，大女喺美國返嚟陪我，為我祈禱，呢次患病令我體會人嘅脆弱，我希望趁母親節祝福天下所有母親，都有美好嘅人生。」