近日靚模界是非多多，但周秀娜（Chrissie）一於好少理，早前更大膽以三點式上陣在中環拍廣告！雖然Chrissie賺唔少，但平日仍然緊守慳妹規條，更不理絲襪穿窿，照樣在銅鑼灣現身，據知Chrissie慳成咁只志在做有車人士。
有「翻版樂基兒」之稱的Chrissie擁有34D-23-34魔鬼身材，吸引不少內衣騷及泳衣騷的青睞，早前更穿上三點式上陣在中環鬧市拍廣告，肯搏肯做的Chrissie自然工作不斷，更穩坐新一代性感港模之位！
坐電車自備水
上周Chrissie在金鐘完成工作後，只到快餐店食一個包充飢，看到店內有免費雜誌借閱即時翻看個夠，慳錢之餘又可以充實時裝知識。之後，她走到鄰近的駕駛學校查詢學車優惠，盡快考牌一圓車主夢。
Chrissie在交通方面亦甚為慳家，由金鐘搭到銅鑼灣亦只乘電車，更不時取出自備的水樽解渴，抵達銅鑼灣後，即到獲贊助的時裝店內狂揀衫扮靚。
每日消費100元
日前，發現她在銅鑼灣現身，但絲襪在大腿位置穿了一大片，情況顯得頗尷尬，最後更着住對爛絲襪到小食檔買了一串6元的燒賣醫肚。賺唔少的Chrissie竟然衣食住行樣樣慳到盡，嚴控每日的消費在100元內！Chrissie密友指她堅持低消費生活，只為儲錢買車：「佢經濟梗係無問題啦，不過佢好想學車、買車、做車主，為咗儲錢先咁慳咋，佢真係好乖好識為自己打算㗎！」
文：追蹤組