容祖兒（Joey）日前飛到新加坡舉行Starlight巡迴演唱會，不忘跟當地歌迷聚會，盡情享樂一番，難得身在新加坡，眼見最喜歡的胡椒蟹等海鮮擺在眼前，一向以Keep fit為上的Joey都坦言：「食咗先講！」
Joey剛於新加坡完成Starlight巡迴演唱會，更趁機多留幾天跟當地歌迷見面，唱片公司特別選址大型商場舉行簽名會，吸引五百多位歌迷逼爆商場一睹偶像風采，商場保安見狀即緊張起來，要增加人手維持秩序。
搞聚會派對
之後Joey為新加坡歌迷搞聚會派對，期間又跟他們玩遊戲，Joey說：「入行咁多年，好少機會喺新加坡宣傳，難得可以有咁多歌迷支持我，今次最特別，係收到歌迷自製嘅Starlight版大富翁，可以攞番香港，叫晒啲親戚朋友一齊玩。」
難得在新加坡開騷，Joey完成工作後不忘大擦一餐慶祝，工作人員帶她品嘗地道海鮮，一向為食的Joey，見到胡椒蟹更興奮得大聲歡呼：「大家辛苦喇，今晚要盡情食個痛快，我都唔理得咁多，拿拿臨食咗先再Keep fit！」
買榴槤贈母
一向愛錫女兒的Joey媽亦陪伴Joey到新加坡開騷，雖然Joey對榴槤不感興趣，但她仍漏夜陪媽媽去市集買她最愛的榴槤，氹得媽咪好開心，認真孝順。
文：音樂組