上周到澳門開騷的格林美歌手John Legend，於開騷前接受了香港傳媒訪問。已巡迴一段時間的他坦言掛念女友，恨不得立即飛返美國重聚；當提到黑人歌手Chris Brown打女友，他即大呼羞恥。
John上周在澳門威尼斯人演出是其今次世界巡迴演唱會的最後一站，他雖然指享受旅遊及巡迴，但其實內心卻有所記掛：「係有啲鬆口氣，因為已經出咗埠一段日子，係時候返屋企，如果再唔返美國，睇怕女友會癲，哈哈！」他自言已有數星期未見女友，坦言很掛念對方，並要靠視像鏡頭及長途電話維繫感情。
家人曾遭虐打
對於Chris被控打女友案，他指Chris犯了很差及不應犯的錯誤：「如果佢真係有做過，咁真係幾羞恥！（贊成Rihanna與他復合？）我唔會叫佢點做，佢要自己決定。我有屋企人曾經被男友打，係好傷心同恐怖嘅一件事，唔想有其他人再做受害者。」
提到早前有份出席奧斯卡頒獎禮兼表演，他表示：「好開心可以參與，第一次去奧斯卡，平時去音樂盛事多，今次可以做fans見下鍾意嘅影星，好似辛潘同姬蒂班查咁！」他又盛讚辛潘在《夏菲米克的時代》的表現出色，獲八項獎項的《一百萬零一夜》亦實至名歸，並指《一》片是他最愛電影之一。
讚莫文蔚出色
談到與《一》配樂師兼印度名歌手A.R. Rahman（圓圖）在典禮上合唱感覺如何，他表示：「好好玩，台上有晒寶萊塢嘅舞蹈員伴舞。我同A.R.已傾緊將會一齊合作，但未知會點。」
與此同時，他亦有大讚與他在上海站演出的嘉賓莫文蔚可人兼有才華，而他今夏將於美國巡迴演出，故至今仍未籌備新碟。
文：外娛組