樂隊班霸Beyond拆夥六年，有die hard粉絲竟以死要脅重組。早前有自稱「中國搖滾領袖」的內地人毛杰東，竟冒死攀上天橋頂，拉開寫着「以命相抵Beyond樂隊重組」的巨型橫額，令葉世榮驚嘆：「咁激行為會擾亂安寧。」
來自廣西，自稱獲全國Beyond億萬歌迷全力聲援的「中國搖滾領袖」毛杰東，早前身穿白恤衫戴黑超，出現金鐘行人天橋，打扮斯文的他，竟攀上了天橋頂危立，絲毫不顧生命安全，拉起寫了「全球搖滾中國化 以命相抵Beyond樂隊重組 毛杰東」巨型橫額示眾，引起途人圍觀。
毛杰東自稱肩負Beyond重組歷史責任，向記者派發「遺言」新聞稿，內容指Beyond是唯一能讓中國搖滾市場掀起高潮的力量。人生短暫，只爭朝夕，希望Beyond三子不要陷入意識形態的黑洞中。
擾亂社會安寧
記者致電Beyond成員葉世榮，他無奈地說：「好多謝佢咁支持Beyond，但佢有少少鑽牛角尖，我唔希望有歌迷做啲咁唔理性嘅事，咁激行為會擾亂安寧，生命唔係隨便可以犧牲，我好反對自殺，下世未必可以做番人。做人其實好有福氣，大家要珍惜，唔好立亂攞命較飛。」
世榮苦口婆心說：「在生時要好好珍惜餘下時間，做有意義嘅事，對自己一個交代，父母咁辛苦養大你，媽媽冒住生命危險生你，應該要感恩，做啲咁激嘅事之前，要諗吓媽咪，呢啲行為係極度不孝。」
未有計劃重組
至於Beyond會否重組？他說：「暫時未有計劃，我哋想利用呢段時間做好自己，否則永遠唔會進步。唔好咁鑽牛角尖，人生好漂亮、美麗，唔好太執着，執着只會帶來煩惱，其實快樂好簡單。」
採訪：音樂組