早前在中環街頭剝衫拍廣告的周秀娜，成為不少電車男的夢中情人。日前她接受ontv訪問時，除了談及其驕人身材及性感冇底線外，更自爆曾被邀出席富豪飯局。
ontv的深情專訪向來都受到網民追看，由陳振安和俞詠文主持的《娛樂on Show》更加受人熱捧。日前《娛樂on Show》便邀得周秀娜接受訪問，兩位主持問題不絕，令一向少說話多做事的周秀娜暢所欲言。
街頭露胸不尷尬
早前周秀娜在中環街頭穿上火辣比堅尼拍廣告，展示其32Ｄ上圍，即時成為電車男的新寵。專業的她表示當街露胸不感尷尬，她說：「唔會㗎，我係專業model，都係工作一部分。不過拍嗰陣真係超緊張，個腦係諗點樣剝衫剝得靚。」兩位主持隨即打蛇隨棍上，問她怕不怕真的會被人當街剝衫？她答：「其實嗰次都係廣告效果，都唔驚嘅！」
有傳「富豪飯局」入侵(o靚)模界，周秀娜承認曾被邀請出席飯局。她說：「嗰次都係有朋友聯絡我，問約食飯好唔好，話真係純粹想約食飯，冇講明係做啲乜嘢。不過女仔係感性啲，都大概估到對方來意。（對方有冇要求出埠旅行？）有試過，佢好直接問去第二度好唔好，我答都係唔好。」
唔後悔公開拍拖
早已公開有男朋友的周秀娜，她自信地說不擔心因此而影響工作：「其實公唔公開都冇乜所謂，我希望大家focus喺我嘅工作。既然有人問到，我就一定如常咁答，因為我真係拍緊拖，自己係唔會後悔公開。」
文：專案組