葉文輝（啤梨）事隔多年再推出新歌《寧願這樣》，是改編自著名日本歌手青山黛瑪的歌曲，啤梨說：「啱啱出道嗰陣，又係改編韓國歌《I Believe》，當時反應唔錯，其實好似有個情意結，想再用改編歌令大家記番起啤梨。」
兼任新城電台主持的啤梨，曾為避嫌不播自己的歌，但最近他改變想法：「愈來愈多兩棲歌手，其實佢哋都喺唱歌以外宣傳緊自己，難得我有個平台畀人認識，點解畀人哋嘅說話影響到？」啤梨感激電台體諒，讓他全心全意投入歌唱事業，他更獲唱片公司安排到菲律賓取景拍MV，可謂萬千寵愛在一身。啤梨表示會落力工作，用成績來報答兩間公司。
