陳鍵鋒笑言自己有一個在世俗眼中頗為「阿伯」的興趣——泡茶、品茗。他在茶莊內，面對琳瑯滿目的茶壺、茶杯及各式茶葉，他說：「我平時出埠做嘢，都鍾意搜購啲特色嘅茶壺、珍貴嘅茶葉自用或者送禮，試過最貴買過一個過千元嘅茶壺，最多嘅係買茶葉畀外公做手信，其實學識飲茶都要多謝外公，係佢令我一開眼界。」
陳鍵鋒一邊示範泡茶，一邊細說童年，他說：「細個一大班表兄弟姊妹去外公屋企食飯，外公會泡茶畀我哋飲，我愈睇愈有興趣，後尾得番我一個陪外公泡茶。泡茶可以鍛煉耐性、啟發思考，因為泡茶要按部就班，呢啲都係做人應有嘅態度。」
攝：秦健輝 場地：福茗堂茶莊
