最近與Neway二太子薛嘉麟打得火熱的諸葛梓岐，早前被指有公主病，但一向懶理是非的她，日前在尖沙咀豪花逾六位數字買衫，期間更親自為男友選購泳褲，夠晒細心及體貼。
諸葛梓岐與薛嘉麟的戀事曝光後，即時成為新聞人物，曾揚言家人每季給五十萬元零用錢的她，習慣購物不看價錢，早前獨自到尖沙咀逛名店，記者終於見識到她的富家女生活模式。梓岐先到港威商場選購泳衣，專揀一件頭，密實程度難以置信，最離奇是還揀選男裝泳褲，在大碼專櫃左揀右揀，最後揀了一條鮮橙色男裝泳褲。
試鞋洩春光
其後她轉到PENNYBLACK購物，甫入店內便熟落地與店員打招呼，之後狂風掃落葉般在衣架上手指指，店員即將她揀選的衣服放在櫃枱上，一下子揀了廿多件，櫃枱上堆積了一個小「衫」丘，一名店員更站在更衣室門外，服侍她試身，而她大部分揀選的都是低胸裙，且不時走出更衣室照鏡，又忘形地烏低身試鞋，春光乍洩也不知，無視店內顧客投以奇異眼光，不消四十五分鐘，埋單六位數，相等於一般人的一年工資。
貼錢無所謂
梓岐意猶未盡，再轉到德國皮鞋品牌LLOYD繼續掃貨，不過今次是為男友挑選皮鞋和公事包，在十五分鐘內，又花了五位數字，滿載而歸。事後記者致電問她為何購買男裝泳褲，她笑說：「總之有啲係買畀就快生日嘅男性朋友，其餘我唔講喇﹗（你都好鍾意買嘢喎？）都唔係，其實係之前我同PENNYBLACK做騷，佢哋送咗啲現金代用券畀我，不過我都買凸咗，最後都要自己貼錢！」
文：名人組