李珊珊與兩緋聞男友，還有舊愛錢嘉樂一同出席活動，眾人表現尚算大方，氣氛不算太尷尬。對於李珊珊以《琉璃》暗示嘉樂過往不懂珍惜而導致分手，嘉樂說：「我係有忽略過身邊人。」
李珊珊昨日出席「New Era, New Challenge」名人明星發布會，舊愛錢嘉樂和緋聞男友馬漢華、衞志豪亦有到場，令現場關係變得複雜。記者會上，李珊珊與隔着兩個身位而坐的馬漢華偶有閒談，而台上擔任司儀的錢嘉樂被要求大合照時，表現尚算大方沒有推搪。
飯局變生死鬥
活動上嘉樂邀陳志雲上台訪問，陳志雲立即召李珊珊上台並推在嘉樂身旁，令她一臉無奈兼尷尬，陳志雲表示邀請他們與湯盈盈上《志雲飯局》，嘉樂即說：「咁呢個唔係飯局，係生死鬥。」陳志雲搶說：「你認為有人會為你生為你死咩？」令全場爆笑。而陳志雲留李珊珊在台上時，嘉樂說：「佢唔會留低㗎。」李珊珊語帶雙關向陳說：「咁多年我都唔聽佢話，今次都唔聽。」便下了台。
李珊珊對於傳與馬漢華的緋聞，她表示大家是相識多年的朋友，兩人亦討論過，已交由律師處理。而馬漢華則表示大家經常一起食飯，不會尷尬。對於她透過Blog以《琉璃》文章形容與嘉樂的一段情，李珊珊說：「已經寫晒我嘅感受，大家都讀過書，我都寫得好白，我永遠都咁愛錫和支持呢個人。（嘉樂表示不時想起你夭住夭住。）大家都係地球人都有感覺，我唔需要攤開嚟講。」
認忽略身邊人
而嘉樂表示不信二人的緋聞，但對於李珊珊以《琉璃》文章暗示他當年不懂珍惜她，嘉樂說：「有時係嘅，我都有缺點，因為工作忽略咗身邊人，不過慶幸我哋唔係仇人。」問他會否前車可鑑而更珍惜湯盈盈？他說：「未到呢個階段。（你唔怕hurt到佢？）到時話畀大家知啦。」
文：影視組