樂基兒與陳嘉容昨日為時裝品牌行騷，對於近期靚模Angelababy與Kama頻鬧是非，樂基兒表示與兩人都合作過，並大讚兩人既甜又可愛，她說：「其實模特兒唔應該爭啲乜嘢，呢行冇敵人，最大敵人係時間同自己，呢行唔last得耐。（佢哋可能爭飯食？）依家唔會夠工作畀每一個人做，最重要做好自己，同埋將來點樣可以做得更好。」問她睇好哪個靚模？她大體地說：「個個都好，個個都好甜，好似成包糖咁，粒粒都好食，其實模特兒冇話邊個好，個個都會有自己嘅長處。」至於有否興趣上《美女廚房》？她自嘲年老沒有資格，她說：「佢哋好多cute girl，我係cute但old。」
另外，陳嘉容表示經濟不景氣，起碼少了一半工作。而她曾與陳沛嘉傳過是非，被問到Angelababy及Kama一事，她說：「其實無論邊個圈都會有是非，唔好睇得咁重，好似我好耐冇做嘢，今次見到樂基兒同Lisa S.好開心，友誼第一。」