前晚亞視在九龍灣展貿中心進行《飲食天王頒獎典禮2009》，出席嘉賓包括張文慈、朱慧珊、萬綺雯、袁彌明、陳妙瑛、韓君婷、模界代表有羅凱珊（Kama）、諸葛梓岐及李曼筠（動漫Maggie）。
由於嘉賓眾多，大會特意在椅上編有藝人名字，以便各人識別，不過，Kama與助手到場時卻「亂咁坐」，分別坐了諸葛梓岐和Pinky的座位。當Pinky找尋座位時發覺Kama的助手坐了她的位，Pinky示意對方坐錯座位，可是對方未有理會。
唱歌甩嘴舞姿生硬
Pinky轉向亞視公關求助，公關兩番勸告Kama「讓座」，但對方未有理會，事件擾讓了十多分鐘，慘遭「罰企」的Pinky顯得尷尬及憤怒，在另一桌的陳妙瑛見情況尷尬，隨即招呼Pinky坐在她身旁，「亞視一姐」才能有個「容身之所」。其後Kama助手亦離開藝人席，返回工作人員的座位。Pinky「復位」後與身旁的Kama整晚未有交談，氣氛頗僵。未知Kama是否受事件影響，其後表演歌舞，連「咪嘴」唱歌亦明顯「甩嘴」，舞姿又生硬。
Kama接受訪問時被問到助手霸位坐事件，她說：「大會想影我同Pinky坐埋一齊，當時助手坐喺我隔籬，有人問過我哋可唔可以讓個位，其實座位都冇人安排，我去到已經坐咗喺度。（怕唔怕畀人覺得你好麻煩？）希望唔會啦，原諒我啦，我乜都唔知，其實都係擾攘咗幾分鐘。」問到Kama當時氣氛是否很不快，在Kama旁監場的助手則搶答說：「其實坐邊度都冇所謂，都係為個show好，唔想大家唔開心。」
「唔會同小妹妹計較」
被「奪位」的Pinky昨日接受電話訪問時，坦言當時冇位坐感到很尷尬，被問到可覺得Kama無禮？她說：「算啦，我都做過新人，新人爭取每個機會我明白，但係唔好影響到人囉。」日後見到Kama可會尷尬？張文慈說：「我係大姐姐，唔會同小妹妹計較，我都係講事實啫，唔會動氣，如果唔係就鏡頭都唔會唔出聲啦。」據知Pinky因為唔開心提早走，不過她說：「我好尊重個騷，有事先至早走。（個位畀人坐咗？）係呀！仲驚動公關處理。（Kama話只係擾攘幾分鐘？）算啦！事實勝於雄辯。」Kama昨日再接受電話訪問，問她有沒有看見座位有名牌？她說：「總之我去到工作人員就帶我去咗嗰度，我見個位係諸葛梓岐嘅，但諸葛梓岐示意我可以坐，我哋唔係特登坐人哋個位，係工作人員帶我哋去。」對於近日是非纏身，Kama亦感到很無奈，再強調並非刻意搶位坐。
採訪：影視組 攝影：鄭家俊