沈伯抗肺癌 愁昂貴醫費

福無重至,禍不單行。沈滿進先後患上慢阻性肺病及缺血性心臟病,再加上高血壓及糖尿病等長期疾病,須日食逾三十粒藥以對抗頑疾。未料去年底再證實患上肺癌,醫生建議作自費標靶藥物治療,惟單是藥費開支一年已近十六萬元,沈伯因籌措無方而向東方日報慈善基金求助,希望善長能伸出援手助以續命。

七十八歲的沈伯年輕時隻身來港,在酒樓任職樓面侍應,日做十八小時以養活身處內地的妻女,「做侍應日日都要搬搬抬抬,搞到肩膊都勞損晒,但係為咗養家都要捱!」沈伯每月出糧後均會即時匯款回鄉,其後雖與妻子仳離,幸而女兒仍對父親不離不棄。

「以前自己一個人住,曾經唔小心喺床跌咗落地暈咗,心臟又通過波仔,個女擔心我就將我送咗入嚟!」九年前入住長者之家的沈伯指女兒早已成家立室,因有家累而無法支付老父醫療費,面對每月逾一萬三千元的自費藥物開支,沈伯坦言籌措無方,「唔知幾時開始香港地要畀錢先可以買到生命,唔通窮人條命冇咁矜貴?」

「只想有命睇孫仔畢業」

伊利沙伯醫院發言人證實,病人去年十一月確診患上第三期肺癌,一般可接受綜合放化治療或接受手術,但因病人肺功能不足,且患有慢性阻塞性肺病、缺血性心臟病、經常性中風、糖尿病及高血壓等,故不適合接受手術或胸部放射性治療。發言人又稱,鑑於病人的腫瘤有EGFR突變基因,服用自費標靶藥物Gefinitib有機會令腫瘤縮小或減慢生長速度,每月藥費約為一萬三千二百元,有關治療需維持一年。

面對頑疾,沈伯坦言「依家唔會諗咁多,只想有命睇到啲孫仔畢業」,善長所捐分毫將可替沈伯延續生命,實現餘生的僅有願望。

捐款編號:12234

記者:黃芷君