獨居林伯盼有熱水爐
「每次都要煲兩煲水先夠沖涼，等得第二煲滾，第一煲水又凍咗！」當大家每日都可簡便地使用即熱熱水爐享受熱水浴之際，七十八歲的林增炎卻要天天燒水洗澡，更曾因此而被熱水灼傷，「我左腳斷過，行動唔方便，試過唔小心將啱啱煲滾嘅熱水淋咗落腳度，醫咗好耐先好番。」由於手腳有欠靈活，洗澡便成為林伯每天的艱巨任務之一，更擔心會因此發生家居意外。
無雪櫃 買餸吃力
林伯近年發覺身體機能日漸退步，體力亦大不如前，自從獨生子年前獲獎學金赴外國修讀音樂後，便過着獨居生活，「四年前都仲可以落街買餸，但係依家行兩步都氣喘！」惟因家中沒有雪櫃保存食物，故每日仍需行斜路到街市買菜，間中更要停步「抖順條氣」才繼續路程，「如果有個雪櫃，啲嘢食就唔會發臭，一次可以買定兩、三日餸，唔使日日行咁辛苦！」
事實上，林伯家中的家具十居其九也是檢拾而得，依靠綜援生活的林伯直言自己「買唔起電器」，希望善長可以助他渡過難關，「我身體愈嚟愈差，希望東方日報慈善基金可以幫幫我，解決生活嘅困難。」
捐款編號：12230