慳家婆婆感謝善長
對香港社會貢獻半生、卻未能得到社會足夠關懷和照顧的長者，在天水圍區內矚目皆是。今年七十五歲、患骨質疏鬆的范瑞好正是其中一個寫照。
范婆婆於上世紀五十年代由內地來港「捱世界」，曾經任職製衣廠雜工、家務助理以及清潔工，工作至七十一歲才退休，她坦言需要懂得「慳錢之道」才可以在香港繼續生活。
范婆婆現時每月依靠二千多元綜援金生活，但每月須花上五百元購買抗骨質疏鬆藥及鈣片，「如果唔識慳住使，連買藥食都冇錢！」
為慳得分毫，范婆婆會從小處着手，「好似要餐餐自己煮啦，仲有就係一次過煮定幾餐」，以省卻煮食燃料費。「你哋今次又送米又有麥皮，仲有冬菇同湯包，真係有排食，多謝捐錢嘅善長仁翁！」