仇伯沖涼捱凍 盼置熱水爐
「煲幾煲水至夠沖一個涼，煲得嚟之前煲嗰啲都攤凍晒。」七十七歲的仇紹群為獨居長者，靠綜援維生，自數月前家中的熱水爐壞掉後，每日洗澡頓成「苦差」！除煲水、倒水外，仇伯更需以手挽着水煲往來廁所、廚房，「個煲唔係重，但老人家手慢腳慢，萬一跣親就手尾長。」
仇伯年輕時曾從事清潔、小販等工作，收入僅足餬口，直至六十歲因患上肺病、哮喘才被迫退休，「以前每個月都係啱啱好，冇多餘錢；就算有，退咗休咁耐乜都用晒。」十多年前，仇伯「上樓」時恰巧遇上團體提供長者優惠才成功購買熱水爐，「嗰陣畀三百蚊就包晒所有嘢，一路用到依家！」
為免着涼，仇伯有時兩三日才沐浴一次，「煲水最麻煩係沖沖吓唔夠水，沖到一半惟有夾硬淋凍水，所以天氣涼就惟有抹吓身算。」仇伯希望善長伸出援手協助重置熱水爐。
捐款編號：9098