李伯獲贈雪櫃唔使捱麵包
六十歲的李傑南獨居僅有百多呎的一人單位，陳設簡單，家具均為「人棄我取」的舊物，「舊唔緊要，用得就得啦，仲可以環保！」惟使用多時的雪櫃最近突然失靈，李伯囿於經濟未能更換，為此更頭痛不已，「個雪櫃用咗好多年，整極都整唔番，買過個又要幾千蚊，邊度搵咁多錢？」
李伯年輕時在茶餐廳工作，更為一家經濟支柱，惜早年不幸意外拉傷背部，導致四肢動彈不得，臥床長達兩年。身體其後雖漸漸康復，卻因患上抑鬱症而常與家人發生爭執，最後更離婚收場並獨居至今，「自己一個人用乜都冇所謂，但冇咗個雪櫃雪嘢食，啲餸好易壞，搞到成日都要捱麵包！」
三星一心一意行動濟急
經了解情況後，東方日報慈善基金即時透過與三星電子香港有限公司合辦的「三星一心一意行動」向李送贈一部雪櫃。「個雪櫃好好用，依家唔使再擔心食到變壞嘅食物，真係好多謝大家！」李伯感激地說。
捐款編號：１１９６０