糖尿翁壞雪櫃 藥物未能冷藏
「當年行船跟住啲英國水兵造衫，喺船度冇咩好做，淨係成日飲汽水，可能就係咁飲到有糖尿病！」七十六歲的梁浩潮談到飲汽水飲出禍時稱，自多年前證實患上糖尿病後，即須定期自行注射胰島素控制病情，但未有受疾病影響梁伯的樂天個性，更自創胰島素注射秘笈，「我將啲步驟寫好然後貼喺牆度，平時喺雪櫃攞啲藥出嚟，坐喺對面睇住（步驟）嚟打（注射）咪得囉！」未料早前雪櫃故障，令梁伯惆悵不已，「（雪櫃）壞咗冇得雪住啲藥，冇錢買過惟有就咁放喺度啦！」
梁伯來港後偶然跟隨裁縫學師，一做便是四十年，更成為英國海軍隨軍裁縫，到處周遊列國，「上岸」後任職洋服店裁縫及兼職補衣直至退休，「近二十年呢行返晒大陸，仲邊有得做，想靠自己都唔得啦！」
靠綜援維生的梁伯礙於經濟困難，無力重置新雪櫃，希望善長踴躍捐輸，以解燃眉之急。
捐款編號：11957