鄰舍輔導會屯門區綜合康齡服務中心為七十多間贈米受惠機構之一，義工隊每月均會定時出發，將白米親自送到行動不便長者手中，其中英姐、慧儀及阿雲參與這項義務工作已有四年光景，堪稱「熟手技工」。談及每月探訪長者兼送上白米的義務工作，英姐即時笑說，「有錢出錢，冇錢咪出力囉！同啲老人家傾吓偈，見佢哋咁開心，我哋都好有滿足感！」

陳婆婆自言百病纏身，深明健康比金錢重要，但善長無私捐獻及義工關懷，更是無價，「跌親之後，成日要留喺屋企唔出得去，冇咗義工嚟送米，真係會好悶。」

開心閒話家常

九十一歲的陳要從義工英姐手中接過白米後，儼如久別重逢一樣，談天說地、閒話家常一番，「包米夠食成個月，又有咁多人（義工）嚟探我，真係好開心！」談及如何使用近日「出雙糧」的綜援金時，陳婆婆不但未有展現歡愉，更搖頭說：「平時冇錢做針灸同買止痛藥食，份『雙糧』要留番嚟睇醫生同買藥！」

將家居打理得井井有條的譚慧嬋，今年已屆八十二歲高齡。婆婆年輕時曾任職管家，為僱主打理起居飲食，現時每當煮飯傳出飯香，婆婆都會憶起昔日工作點滴，同時亦感謝善長關懷，「多謝善長咁有心，贈米活動真係好有意義，慳番嘅錢，可以久唔久加餸！」

捐款編號：１６３３３

愛心回應

社會上不少無依長者依靠綜援金生活，生活捉襟見肘，缺損之家電與家具均無力添置，以下人士便正因有善長的援手，才得以獲贈生活所需品。

李華：79歲

求助物品：雪櫃

捐款編號：11729

李伯多年來一直無力添置雪櫃，長年須外出用膳，不但因食物多鹽多油有礙健康，每月開支亦隨通脹加劇而大增，「明知老人家食嘢要清淡，但出街食就冇得揀，一日三餐要成九十幾蚊，冇雪櫃就冇辦法煮到飯。」李伯的情況經報道後即獲善長解囊協助，得以添置雪櫃，「有咗個雪櫃真係好好呀，你記住幫我多謝佢哋（善長），依家終於可以自己煮飯喇，擺餸又得，擺嘢飲又得，仲可以放埋啲藥入去添！」

記者 馮國豪