大開色戒:巨乳打機女主播人氣爆燈

唔少男士都避談自己係咪青頭仔,皆因一把年紀仲係零性經驗感覺超尷尬,不過早前日本有調查發現,多達8成女士唔介意對方係青頭仔,聽完係咪開心番晒?講到開心,美國有位巨乳女主播,以超火辣造型直播打機,一樣睇到人開心又興奮!

着內衣做直播

打機直播係其中一個網絡直播主題,而要成為當中嘅人氣主播,除咗要打得叻外,有索樣兼有火辣身材都好重要,好似嚟自美國嘅超人氣打機女主播Kaitlyn Siragusa咁,以性感火辣造型直播打機,人氣唔爆燈就奇!

網名叫「Amouranth」嘅佢,1993年12月2日出生,10年前佢從事服裝設計,同年開始喺各個社交平台分享性感自拍照,一躍成為人氣網紅。之後,佢開始喺遊戲直播平台Twitch開設頻道,着內衣露半球做直播,令人氣爆燈!究竟佢嘅人氣有幾高?Twitter嘅追隨者有超過120萬,而IG嘅追蹤者就有超過426萬,唔使多講,齋睇數字就知佢咩料啦!

日女唔介意青頭仔?

喺日本文化中,唔少男士覺得青頭仔即「童貞男」係宅男、冇吸引力、冇專長等嘅代名詞,因此喺日本網絡中常見男網民為自己「童貞男」嘅身份而慨嘆,不過對日本女性嚟講,又係咪咁抗拒青頭仔呢?

日本戀愛網站Noel嘅編集部早前喺網上進行調查,訪問咗100名女性,發現有80%嘅受訪女性表示一啲都唔在乎對方係咪青頭仔,有17%表示討厭,3%則表示鍾意,覺得對方嘅性格、外形同收入先至係重點,同時認為呢啲男仔先至夠專一同有安全感。呢個調查結果對一眾青頭仔網民嚟講相當振奮,不過卻有網民表示調查只有100位女性參與,並唔算有說服力喎!

三人約會成主流

英國嘅疫情反覆,而喺封城措施下,令唔少單身男女冇得透過約會令心理同生理得到宣洩,喺咁嘅情況下,有性學家預期當疫情過去後,三人約會模式「Throuples」將會成為英國主流。

據英國約會顧問Nadia Essex解釋,原因在於喺抗疫期間,單身男女實在太寂寞,故此當「解放」之後,會傾向一啲更加刺激嘅約會方式,對於兩性關係亦會變得更加開放,故此「Throuples」便成為佢哋熱衷嘅約會模式。不過佢提醒大家,「Throuples」講求嘅係溝通,仲有彼此同意建立浪漫及相愛嘅一種三人關係,如果其中一方並非完全誠實嘅話,呢種關係係冇可能維持得到。

撰文:魂