大葱嘅辛辣味唔單止啱煮餸，北方人更愛生食大葱，話夠晒辛辣可提升食欲。除此之外，大葱原來仲可以提升性慾添呀！大葱英文學名Allium Fistulosum，具有催情作用嘅原因係含有葱辣素，可以加速血液循環，亦具有提高神經嘅興奮度，故此能令男女喺魚水之歡時感覺更加興奮。有專家指辣度愈高，葱辣素含量便愈多，效果會更加好。
大葱營養成分豐富，除咗有維他命E、B1、B2等外，仲有羥胺酸、蕃茄紅素，能促進人體賀爾蒙嘅分泌，尤其係性激素上，因此具有刺激性慾嘅效果。另外，有研究發現大葱所含嘅鋅等微元素，能有助人體嘅激素分泌，同時又能令提升精子質量。
雖然葱辣素具有催情及提升性質量嘅作用，但要留意喺食用後約一小時，至會發揮作用。此外，有研究指大葱喺攝氏60度以上，能清除當中嘅亞硝酸鹽，溫度愈高效果愈好，故此喺食用前，最好先用熱水煮一下，再用嚟炒蛋，便能為男士喺性愛後補充精力，消除疲勞感外，事前食亦有助提升精子質量o架！