日本人氣動漫《茶煲情緣DARKNESS》早喺2010年9月完結，至今已有近11年，但呢套經典作品嘅女角色不斷有模型推出，證明好嘢係經得起時間考驗，而最新登場嘅一款模型－美少女茉茉‧貝莉雅‧戴比路克，更加係作品中最具人氣嘅角色。簡稱「茉茉」嘅佢，外表清純，同暗黑嘅內心有着極大反差，所以深得粉絲熱愛，而呢款新模型亦以「暗黑」為題材，呈現角色黑化後嘅形象，唔止有新鮮感，仲非常吸睛，事關佢嘅造型好似全裸上陣咁Sexy，但其實係有着內衣，從後面望過去，足以令人產生無限遐想。