唔少常見嘅植物都有佢嘅食療功效，竹筍係其中之一。據稱早喺商代時期，已經開始食用竹筍，而晉代戴凱所著嘅《竹譜》，更介紹超過70種竹筍品種嘅風味。不過原來食得竹筍多，係會影響男士嘅性慾㗎！
竹筍含有大量嘅草酸，會防礙男士對鈣及鋅嘅吸收。根據1996年一項研究發現，鋅同睾固酮濃度之間的關係非常密切，研究員指年輕男士飲食中缺鋅嘅話，20周後睾固酮濃度顯著下降75%，出現勃起障礙，同時會令性慾下降，因此要謹慎食用。
由於含有豐富嘅草酸，故此竹筍唔適宜跟豆腐一齊食用，否則體內會形成草酸鈣，過多草酸鈣會導致出現體內結石，因此結石患者要避免食用。此外，中醫學指竹筍性偏寒，有筋骨痠痛嘅人士要減少食用。對於有慢性腎臟病患者，亦因竹筍含有大量鉀關係，亦唔適宜多食。
竹筍低脂肪、低糖及低熱量，所含有嘅粗纖維能促進腸道蠕動，不但能幫助消化，同時可預防便秘。此外，據清代趙學敏著嘅《本草綱目拾遺》中稱：「竹筍利膈消痰，化熱爽胃，解渴利水，療風邪，止喘嗽。」對胃熱口渴，及肺熱咳嗽有相當嘅作用。