之前介紹過日本AV男優田淵正浩有一招壯陽運動叫「絕倫深蹲」，唔知各位巴打有冇練習一下呢？其實中國自古流傳至今嘅健身術「八段錦」，一樣可以增強男士嘅雄風，平時少運動嘅巴打們，真係要郁多啲先得！
「八段錦」係中國古代發明嘅健身方法，喺宋代嘅道教養生書中有相關記載，主要分為8組肢體動作，並需要配合氣息調理，以增強養生效果。
八段錦嘅第六式叫「雙手攀足固腰腎」，聽到個名，答案呼之欲出。呢招又叫「體前屈」，即係彎腰俯身，上半身盡量降到自己舒服嘅位置，後背同雙腿感到輕微拉伸為宜，如果可以指尖貼到地面就更佳。謹記，雙腿要保持挺直，頭部要自然垂下到幾乎與地面垂直。
呢個動作可以促進血液循環，改善腦垂體分泌，從而刺激性慾，原理在於腎臟位於腰椎嘅兩側，活動腰部唔單止可以強化腹部肌肉，仲可以按摩到腹腔與盆腔內嘅臟腑，增強腎功能，再者腎同膀胱互為表裏，換言之，「體前屈」具有疏通膀胱經、腎經、固腎，以及壯腰背嘅作用，同時可以緩解頸腰勞損同拉傷，令面色都得到改善呢！