辛苦工作一整日，返到屋企，當然希望舒舒服服咁沖個熱水涼，將一身疲勞洗走晒。之但係大家有冇聽過，原來只要沖涼有法仲可以產生壯陽功效呢？
先用暖水浸浴，等全身溫暖之後就起身，以凍水刺激陰部約3分鐘，等到陰莖、陰囊有少少收縮嘅感覺，再用暖水浸浴，重複過程3至5次，最後用花灑將暖水集中噴灑向陰莖根部周圍，就可以令男人嘅性能力提升，抬起頭做人！
台灣有位泌尿科醫生話咁樣沖涼可以壯陽嘅說法並非冇根據！尤其有「三高」問題嘅朋友，陰莖血管會同心血管一樣容易硬化，繼而導致陽痿，所以浸熱水浴可以促進骨盆腔內循環，從而改善陽痿問題，而沖凍水涼就可以促進心肺功能，對於保養性功能亦有幫助。另外，以花灑向陰莖根部周圍噴暖水，對於恢復睾丸嘅活動力有唔錯嘅效果，原因係陰莖勃起之後，會令支援陰莖嘅韌帶同神經產生疲勞，而勃起時間愈長，疲勞情況就會愈嚴重，所以喺激戰之後，用暖水淋一淋陰莖周圍，可以令血液循環加快，從而消除睾丸同陰莖疲勞，「性能量」亦恢復得快啲！
由於睪丸不適宜接觸高溫，所以沖熱水涼嗰陣，千祈唔好用太熱嘅水！